ရန်ကုန်တိုင်းဒေသကြီး၊ ကျောက်တန်းမြို့နယ်အတွင်းရှိ သီလဝါဒေသတွင် မြန်မာ၊ ဂျပန်နိုင်ငံအစိုးရတို့ လက်တွဲ ပူးပေါင်းဆောင်ရွက်ရေး စာချွန်လွှာအရ တည်ဆောက်အကောင်အထည်ဖော်မည့် အထူးစီးပွားရေး ဇုန်စီမံကိန်းကို မြန်မာ-ဂျပန်ကုမ္ပဏီများ ဖက်စပ်ကုမ္ပဏီထူထောင်၍ ပူးပေါင်းလုပ်ကိုင်ရန်အတွက် မြန်မာ သီလဝါ အက်(စ်)အီးဇက်ဟိုးဒင်း ပတ်ဘလစ် လီမိတက်ကို ကနဦးတည်ထောင်သူ အများပိုင် ကုမ္ပဏီ (၉)ခုမှ စတင်တည်ထောင်ခဲ့ပြီး၊ ပြည်ထောင်စုသမ္မတ မြန်မာနိုင်ငံတော်အစိုးရ အမျိုးသားစီမံကိန်း နှင့် စီးပွားရေးဖွံ့ဖြိုးတိုးတက်မှုဝန်ကြီးဌာန ရင်းနှီးမြှုပ်နှံမှုနှင့် ကုမ္ပဏီများညွှန်ကြားရေးမှူးဦးစီးဌာနမှ ၂၀၁၃ ခုနှစ်၊ မေလ (၃)ရက် နေ့စွဲပါ ကုမ္ပဏီမှတ်ပုံတင်လက်မှတ် အမှတ် ၄၈၄၊ ၂၀၁၃-၂၀၁၄ ဖြင့် ပေး ရန် တာဝန်ကန့်သတ်ထားသည့် အများနှင့်သက်ဆိုင်သော ကုမ္ပဏီအဖြစ် ဖွဲ့စည်းတည်ထောင်ခွင့် ရရှိခဲ့ပါ သည်။ ကုမ္ပဏီ၏ ခွင့်ပြုမတည်ရင်းနှီးငွေမှာ ကျပ် (၅၀၀)ဘီလီယမ်ဖြစ်ပြီး၊ အစုရှယ်တစ်စုလျှင် ကျပ် တစ်သောင်းဖြင့် အစုရှယ်ယာပေါင်း သန်း (၅၀) ခွဲထားပါသည်။ လုပ်ငန်းစတင်ဆောင်ရွက်ခွင့်လက်မှတ် (Certificate for Commencement) ကို ၂၀၁၄ ခုနှစ်၊ ဖေဖော်ဝါရီလတွင် ရရှိခဲ့ပြီး၊ အများပြည်သူသို့ အစုရှယ်ယာများ ကမ်းလှမ်းရောင်းချရန် လုပ်ငန်းညွှန်းတမ်း (Prospectus) ကို ၂၀၁၄ ခုနှစ်၊ ဖေဖော်ဝါရီလ (၂၇) ရက်နေ့တွင် မြန်မာနိုင်ငံကုမ္ပဏီများအက်ဥပေဒပုဒ်မ (၉၂) နှင့်အညီ ထုတ်ဝေခဲ့ ပါသည်။ ကနဦးအစုရှယ်ယာ မတည်ငွေရင်းသည် သာမန်အစုရှယ်ယာပေါင်း (၃.၉) သန်းအတွက် တစ်စုလျှင် ကျပ် တစ်သောင်းဖြင့် ကျပ် (၃၉) ဘီလီယမ်ဖြစ်ပါသည်။ မူလတည်ထောင်သူ အများနှင့် သက်ဆိုင်သော ကုမ္ပဏီ (၉)ခုက (၄၅) ရာခိုင်နှုန်း နှင့်ညီမျှသည့် အစုရှယ်ယာပေါင်း (၁.၇၅၅) သန်းအတွက် ကျပ် (၁၇.၅၅) ဘီလီယမ် ကို ထည့်ဝင်ခဲ့ပြီး၊ အများပြည်သူသို့ (၅၅) ရာခိုင်နှုန်း နှင့်ညီမျှသည့် အစုရှယ်ယာပေါင်း (၂.၁၄၅) သန်း တန်ဖိုးအားဖြင့် ကျပ် (၂.၄၅) ဘီလီယမ်ကို ကမ်းလှမ်းရောင်းခဲ့ပါသည်။ အဆိုပါ ကမ်းလှမ်းအစုရှယ်ယာများကို ခွဲဝေပြီးနောက် ကမကထပြုသူ အများနှင့်သက်ဆိုင်သောကုမ္ပဏီ (၉)ခုဖြစ်သည့် -

  •     ဖတ်(စ်)မြန်မာ အင်ဗက်(စ်)မဲ့(န်) ကုမ္ပဏီလီမိတက်
  •     ရွှေနိုင်ငံအရှေ့အာရှဖွံ့ဖြိုးတိုးတက်ရေး ကုမ္ပဏီလီမီတက်
  •     မြန်မာအဂရီဘစ္စနက် ပတ်ဘလစ်ကော်ပိုရေးရှင်း လီမိတက်
  •     မြန်မာ့လယ်ယာထွက်ကုန်နှင့် အထွေထွေဖွံ့ဖြိုးတိုးတက်ရေး အများပိုင်လီမိတက် (အမ်အေဂျီဒီပီ အယ်လ်)
  •     မြန်မာအယ်ဒီဘယ်(လ်)အွိုင်း(လ်) အင်ဒတ်စထရီရယ် ကော်ပိုရေးရှင်း (အမ်အီးအိုင်စီအို) လီမိတက်
  •     မြန်မာ သကြားဖွံ့ဖြိုးတိုးတက်ရေး အများပိုင်ကုမ္ပဏီ လီမိတက်
  •     မြန်မာနည်းပညာနှင့် ရင်းနှီးမြှုပ်နှံမှု ကော်ပိုရေးရှင်း လီမိတက်
  •     အမျိုးသားဖွံ့ဖြိုးတိုးတက်ရေးအုပ်စု ကုမ္ပဏီလီမိတက်
  •     မြို့တော်သစ်ဖွံ့ဖြိုးတိုးတက်ရေးအများပိုင်ကုမ္ပဏီ

တို့အပါအဝင် အစုရှယ်ယာရှင်ပေါင်း (၁၇၉၉၀)ဦး ရှိလာပြီး၊ ယခုအချိန်ထိ မြန်မာနိုင်ငံတွင် အစုရှယ်ယာရှင် အများဆုံးပါဝင်သည့် အများနှင့် သက်ဆိုင်သော ကုမ္ပဏီဖြစ်သည်။